اسمعني قبل ماتبدا امعاية

اسمعني قبل ما تبدا امعايه .
اسمعني قبل نحكيلك ظروفي .
سوا من شعر ولله من روايه .
سوا من قول يحكي بيه جوفي .
لا للنشر لاهو للدعايه .
ولاهو بيش تشتاقي اتروفي .
عندي دمع في اعيوني ملايه .
نجحد فيه عالبكيه هفوفي .
وعندي حن نين ضايق وعايه .
امخزن حي لو قلبي اتشوفي .
انخاف انبوح بشواقي ودايه .
صدر حنون ما نلقاش خوفي .
المن نحكيه مرات الحكايه ،
والفسار ما يبقا عطوفي .
ويجبد قول يحكي من ورايا .
وبالطعنات يضرب في اكتوفي .

تحياتي

مشكور اخي الكريم....ويعطيك الف العافية

اسمعني قبل ماتبدا امعاية Yz9wog03011359

شكرا لمرورك العطر